სამედიცინო გამოკვლევა

9 დღეა ძილი არ მიკარებია და არც შიმშილს შეუწუხებია მიუხედავად იმისა რომ ლუკმა არ გადასვლია. მეგობრების რჩევით სამედიცინო პროფილაქტიკურ შემოწმებაზე წავიდა.

ექიმი: ე

პაციენტი: პ

კაბინეტი 1 - ოფთალმოლოგი.

ე: გამარჯობა, აი იმ სკამზე დაბრძანდით.

პ: უხმოდ გაეშურა ეულად მდგომი სკამისაკენ, რომელიც რაღაც სიმბოლოებით აჭრელებული ”პლაკატის” მოპირდაპირედ იდგა.

ე: აბა გისმენთ რა გაწუხებთ?

პ: არ ვიცი თავს შეუძლოდ ვგრძნობ და პროფილაქტიკის მიზნით მოვედი.

ე: მხედველობას უჩივით? აიფარეთ მარჯვენა თვალზე ხელი და მითხარით რა ასო წერია ამ სურათზე პირველ რიგში.

პ: ი

ე: ჰმმ, აბა აქ რა სიმბოლოა?

პ: რ

ე: საოცარია. აბა აი აქ რას ხედავთ?

პ: ი.

ე: გასაგებია. თქვენ სრულიად დაბრმავებული ხართ, მე ვეღარფერს გიშველით.

ექიმმა საერთო მოკვლევის ფურცელზე ჩანაწერი გააკეთა და პაციენტს დაემშვიდობა.

კაბინეტი 2 - ყელყურცხვირი.

ე: გამარჯობა გისმენთ რა გაწუხებთ?

პ: არ ვიცი.

ე: რა სიმპტომები გაქვთ?

პ: არანაირი.

ე: ე ბიძიკო არ მაქვს შენი თავი სხვა დროს შემოიარე

საერთო მოკვლევის ფურცელზე ტირე გაავლო თითქოს ჯოკერში გახიშტულიყოს ვინმე.

კაბინეტი 3 - კარდიოლოგი.

ე: მობრძანდით, გამოკვლევაზე ხართ ხო? წამოწექით კარდიოგრამა გადავიღოთ.

პ: . . .

ე: რა აკეთებთ? იატაკზე რატომ დაწექით აგერ აქ წამოწექით.

პ: . . .

ე: მოდუნდით და მაისური აიწიეთ.

პ: . . .

რამოდენიმე წუთიანი პროცედურის შემდგომ.

ე: შეგიძლიათ წამოდგეთ.

პ: . . .

ე: გასაოცარია გული გაჩერებულია.

პ: ეგ როგორ? ეგ ხომ შეუძლებელია?

ე: ნუ არის მეორე ვარიანტიც, ისე სწარაფდ გიცემთ რომ . . . თუმცა ეს მარტო შეყვარებულებს სჭირთ თქვენ კი ზედმეტად სევდიანი მეჩვენებით შეყვარებულისათვის (ექიმმა კეთილი ღიმილით თვალი ჩაუკრა)

საერთო მოკლვევის ფურცელზე კი მხოლოდ ერთი სიტყვა ჩაწერა - უგულო.

კაბინეტი 4 - ნევროპათოლოგი.

ე: შემოდი რას დაყუდებულხარ კარებში ვერ ხედავ ორპირი ქარია.

პ: . . . მე გამოკვლევაზე . . .

ე: რად გინდა შენ გამოკვლევა ერთი შეხდვით გეტყობა არ უნდა იყო ნორმალური.

პ: . . .

ე: დაჯექი ფეხი ფეხზე გადაიდე.

ექიმი წამოდგა და სამედიცინო ჩაქუჩი მუხლში მსუბუქად ჩაუკაკუნა, პაციენტი იმავე წამოს წამოხტა, ჩაქუჩი გამოგლიჯა და თავში 3-4 ჯერ მთელი ძალით ჩაარტყა, ექიმი იატაკზე უსულად გაიშხლართა. სისხლში ამოსვრილი პაციენტი კაბინეტიდან გარეთ გავარდა სადაც . . .

მაღვიძარამ დარეკა, სამსხურში წასვლის დროა, არადა 15 წუთის წინ ძლივს მოახერხა ჩაძინება.

პ: დღეს უთუოდ უნდა მივიდე გამოკვლევაზე.